ABŞ donanmasına aid “USS Chancellorsville” döyüş gəmisi Cənubi Çin dənizində qəfildən istiqamətini dəyişərək Rusiyaya aid “Admiral Vinorgardov” gəmisinin qarşısını kəsib.

Bizimaz.az Publika.az-a istinadən  xəbər verir ki, bu barədə Rusiyanın Sakit okeanda olan alayı informasiya yayıb.

Açıqlamada toqquşmanın qarşısını almaq üçün Rusiya heyətinin manevrlər etdiyi bildirilib.

Hadisə ilə bağlı daha təcili bir açıqlama da ABŞ-dan gəlib. ABŞ donanması tərəfindən verilən məlumatda “Bir helikopterin enişi əsnasında bir rus döyüş gəmisi arxadan sürətlə gəldi və uyğun olmayan məsafəyə, yəni 15-30 metrə qədər yaxınlaşdı. Bu ani və etibarlı olmayan hərəkətə qarşılıq “USS Chancellorsville”nin motorlarını dayandıraraq manevr etdi və toqquşma ehtimalını aradan qaldırdı” sözləri yer alıb.

Amerikalı komandir Klerton Doss Rusiyanın iddiasının təxribat olduğunu bildirib.