4 təyyarə bizə təhvil verilib, 4 pilotumuz hazırda ABŞ-dadır.
Bizimaz.az xəbər verir ki, bu sözləri Türkiyənin Müdafiə naziri Hulusi Akar ABŞ-la F-35 razılaşmasının vəziyyəti ilə bağlı danışarkən deyib.
“47 zabitimiz texniki baxış xidmətlərini həyata keçirir. Noyabr ayında 2 təyyarə gələcək. Bu təyyarələr Malatyadakı bazada yerləşdiriləcək”, - Akar bildirib.
Qeyd edək ki, ötən gün Türkiyənin S-400 zenit-raket kompleksinin alışından 2 həftə ərzində imtina etməyəcəyi halda ABŞ-ın Ankaranı F-35 layihəsindən çıxaracağı haqda Amerikanın CNBC kanalı öz mənbələrinə istinadla məlumat yayıb.
