BAKU.WS APA-ya istinadən xəbər verir ki, Fövqəladə Hallar naziri Kəmaləddin Heydərov və Bakı Şəhəri İcra Hakimiyyətinin başçısı Eldar Əzizov yanğının baş verdiyi hadisə yerinə gəliblər.
***14:32***
Bakının Xətai rayonunda güclü yanğın başlayıb.
BAKU.WS FHN-ə istinadən xəbər verir ki, rayonun Zığ şossesində fərdi yaşayış evlərində yanğın olması barədə məlumat daxil olub.
Dərhal nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub. Hazırda yanğınsöndürmə işləri davam etdirilir.
Hadisə yerində olan “REAL TV”nin müxbirinin verdiyi məlumata görə, yanğın zamanı tüstüdən boğulanlar olub. Onları ilkin tibbi yardım göstərilib.
İlkin ehtimallara görə, ərazidə otlaq sahələri yandıqdan sonra yaşayış evlərinə keçib.
