Bakının Qaradağ rayonunda sərnişin avtobusu qəzaya uğrayıb.
Bizimaz.az : hadisə rayonun Ələt qəsəbəsində baş verib.
Belə ki, Bakı istiqamətində hərəkətdə olan sərnişin avtobusu eyni istiqamətdə hərəkət edən ot bağlamaları ilə dolu "Şaqman" ("Shagman") markalı yük avtomobilinə çırpılıb.
Hadisə yerinə xilasedicilər və təcili yardım briqadası cəlb olunub.
***
Qaradağ rayonunda qəzaya uğrayan sərnişin avtobusu Bakı şəhərinin inzibati ərazisində fəaliyyət göstərən müntəzəm marşrut xətlərinə aid deyil.
Axar.az xəbər verir ki, bu barədə BNA-nın mətbuat xidmətinin rəhbəri Mais Ağayev məlumat yayıb.
***
Qaradağ rayonunda sərnişin avtobusunun yük avtomobilinə çırpılması nəticəsində 3 nəfər xəsarət alıb.
Bu barədə Report-a Səhiyyə Nazirliyindən bildirilib.
Hadisə nəticəsində 37 yaşlı kişi kəllə-beyin, 18 yaşlı kişi qapalı kəllə-beyin travması, 26 yaşlı qadın isə sol əl və sağ ayağından xəsarət alıb.
Yaralılar 1 saylı Kliniki Tibbi Mərkəzə yerləşdirilib. Hazırda onların vəziyyəti qənaətbəxşdir.
