Taxveli Adelya Azər qızının yaşadığı 14 mərtəbəli binanın 5-ci mərtəbəsinin eyvanından yerə düşərən ölməsi ilə bağlı Nəsimi Rayon Prokurorluğunda cinayət işi açılıb.
Bizimaz.az bildirir ki, Bu barədə Axar.az-a Baş Prokurorluğun mətbuat katibi Eldar Sultanov məlumat verib.
E.Sultanov bildirib ki, fakta görə Nəsimi rayon Prokurorluğunda Cinayət Məcəlləsinin 120.1-ci maddəsilə (Qəsdən adam öldürmə, yəni digər şəxsi qəsdən həyatdan məhrum etmə) cinayət işi başlanıb.
Cinayəti törətməkdə şübhəli olanTaxveli Ramiz Pərviz oğlu saxlanılıb. İstintaq aparılır.
Cinayəti törətməkdə şübhəli olan “Buta Palace”nin art direktoru Taxveli Ramiz Pərviz oğlunun əməli sübuta yetirilərsə, onu yeddi ildən on beş ilədək müddətə azadlıqdan məhrumetmə cəzası gözləyir.
Xatırladaq ki, 1988-ci il təvəllüdlü Bakı şəhəri Nəsimi rayonu, 381-ci məhəllə, Rəşid Behbudov küçəsi, ev 65, mənzil 51 ünvanında qeydiyyatda olmaqla yaşayan Taxveli Adelya Azər qızı naməlum səbəbdən yaşadığı ünvanda 14 mərtəbəli binanın 5-ci mərtəbəsinin eyvanından yerə düşərək ölüb.
Onun həyat yoldaşı Taxveli Ramiz Pərviz oğlunun avtomaşınına baxış zamanı 1 ədəd kibrit qutusunda təmiz çəkisi 5.647 qram bitki mənşəli kütlə tərkibində narkotik maddələr olan çətənə (kannabis) bitkisindən kustar üsullla hazırlanmış, qurudulmuş marixuana götürülüb.
Onun sərxoşluq hallarının bütün növlərinin təyini məqsədilə aparılan 1/59.48 saylı tibbi müayinəsi zamanı marixuana və BAR (BARBİTURAT) qəbulu nəticəsində yaranmış psixi davranış pozuntusu aşkar olunub. Bakı.vs-nın məlumatına görə, o, Nəsimi rayon Polis İdarəsinin 21-ci polis bölməsində izahat verərkən Taxveli Adelya Azər qızını yaşadığı binanın 5-ci mərtəbəsindən atmasını etiraf edib.
