Bakıda oğurluqla məşğul olan şəxs tutulub.
Bizimaz.az Daxili İşlər Nazirliyinin mətbuat xidmətinə istinadən xəbər verir ki, oğurluq etdiyinə görə tutulmuş Xəqani Abbasovun ətrafında Abşeron RPİ-nin əməkdaşları tərəfindən aparılmış əməliyyat tədbirləri ilə onun Novxanı qəsəbəsində daha 2 evdən oğurluq etməsi müəyyənləşib. X.Abbasovun Novxanıda “Jeep” markalı avtomobildən ümumilikdə 14700 manat, 500 ABŞ dolları, 1 ədəd planşet və sənəd oğurlaması da müəyyən edilib.
Araşdırmalar davam etdirilir.
