"Renhap" agentliyinə istinadən xəbər verir ki, bu sözləri Şimali Koreya xarici işlər nazirinin birinci müavini Kim Qyo Qvan deyib:

“Əgər ABŞ birtərəfli qaydada bizi küncə sıxışdırmağa və nüvə silahından imtinaya məcbur etsə, biz danışıqlarla maraqlanmayacağıq.”.

Kim Qyo Qva bildirib ki, qarşıdakı ABŞ-Şimali Koreya sammitinə necə münasibət göstərmək məsələsinə Pxenyan yenidən baxmalı olacaq.

O, həmçinin, ABŞ-ı danışıqlarda səmimi niyyətlərlə iştiraka dəvət edib: “Belə olarsa, Şimali Koreyadan da buna müvafiq cavab gələcək”.

Qeyd edək ki, Ağ Evin mətbuat katibi Sara Sanders Şimali Koreyanın qarşıdakı sammiti ləğv edə biləyi ilə bəyanatını nəzərdən keçirdiklərini deyib.