Bakı. 3 may. Lələtəpə yüksəkliyi 2016-cı ilin aprel ayında düşməndən azad edildi və Cəbrayıl rayonunun Cocuq Mərcanlı kəndi tam Azərbaycanın nəzarətinə keçdi. Ölkə Prezidenti İlham Əliyev kəndin yenidən qurulması üçün Prezidentin Ehtiyat Fondundan vəsait ayırdı və 2017-ci ildə “Böyük qayıdış” devizi altında həmin kəndə köç başladı.
Azərbaycanın bütün rayonlarında xidmət nöqtələri olan "Kapital Bank" Cocuq Mərcanlı sakinlərinə də xidmət göstərməyə başladı. Ötən ay həmin kəndə "Kapital Bank"ın bankomatı quraşdırılıb.
"Kapital Bank" tərəfindən 2017-ci il ərzində cəbhəyanı zonada yerləşən Ağdam, Tərtər, Ağcabədi və Füzuli filialları yeniləyərək müştərilərin ixtiyarına verilib. Yenilənən filiallar müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir.
Qeyd edək ki, hazırda dövriyyədə "Kapital Bank"ın 3 milyona yaxın ödəniş kartı vardır. Müştərilərə daha effektiv xidmət göstərilməsi üçün, həmçinin məlumat mərkəzi həftənin bütün günləri fasiləsiz işləyir. "Kapital Bank"ın ölkə üzrə 600-dək bankomatı, 9000-dək POS terminalı var.
Azərbaycanda ən böyük filial şəbəkəsinə malik olan "Kapital Bank", 95 filialı və 7 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.
