"Mən fəaliyyətdə olan möhkəm sistemi dağıda biləcəyəm" Bunu Ermənistan müxalifətinin lideri Nikol Paşinyan parlamentdə jurnalistlərlə görüş zamanı bildirib.
"Baş nazir seçiləcəyi təqdirdə oliqarxiya, biznesin hakimiyyətdən ayrılması, müstəqil məhkəmələrin təmin olunması daxil olmaqla bütün vədlərinizi, yerinə yetirə biləcəyinizə dair zəmanət verə bilərsinizmi" sualına Paşinyan belə cavab verib: “Təbii ki, əks halda bu prosesin bir mənası olmayacaq. Bizim məqsədimiz real və müsbət dəyişikliklərə nail olmaqdır”.
Paşinyan, həmçinin köhnə kadrların öz vəzifələrində qalıb-qalmayacağına da aydınlıq gətirib: “Bütün neqativ hallar aradan qaldırılacaq. Hazırda mən bu məsələləri ad-soyad səviyyəsində müzakirə etmək istəmirəm. Prinsipləri müzakirə etmək lazımdır”.
