"Mən nə əvvəlki iqtidar, nə də indiki iqtidar dövründə bir dəfə də olsun əxlaqdan, qanundan kənar heç zaman söz deməmişəm. Bu gün müxalifətdə olanlara ona görə müxalif olmuşam ki, onlar bugünkü hakimiyyətə yarınmağa çalışıblar. Bir nəfər mənə göstərin ki, iqtidarın xeyrini görməyib, parlamentdə oturub xeyir də görüblər".
Bu fikirləri Milli Məclisin bu gün keçirilən plenar iclasında çıxışı zamanı deputat Tahir Kərimli bildirib.
T.Kərimli deyib ki, bugünkü müxalifət illərdən bəri heç bir ideoloji mübarizə aparmır:
“Bu gün radikal müxalifət qəhrəman olub. Buna kim inanar? Bu gün hansı müxalifət partiya sədri bəyan edib ki, mən Azərbaycanda siyasi sabitliyi təmin edə bilərəm. Heç buna cürət də edib bəyan edə bilməz. 10 ildən artıqdır ki, heç ideoloji mübarizə də yoxdur. Heç kim deyə bilməz ki, onlardan biri hakimiyyətə gəlib prezident olsa, Azərbaycan Suriyanın halına düşə bilməz. Ancaq söyüb,təhqir edirlər. Belə söyüşlər yaramaz. Xalqın, vətənin xeyrinə dediyimiz sözlərə baxmadan bizi söyürlər”.
