Türkiyə Silahlı Qüvvələrinin Azad Suriya Ordusu ilə birlikdə 2 ay müddətində davam edən “Zeytun budağı” hərəkatı çərçivəsində Afrin bölgəsini terrorçulardan təmizləməsi və nəzərlərini Menbicə yönəltməsi PKK/PYD silahlılarını təşvişə salıb.
Teleqraf.com xarici mediaya istinadla xəbər verir ki, gecə saatlarında PKK liderləri Amerikalı nümayəndələrlə bir araya gəlib.
Görüş zamanı Türkiyə Prezidenti Rəcəb Tayyib Ərdoğanın PKK-nın Menbicdən çıxması tələbi müzakirə edilib.
Görüşün sonunda PKK terrorçularının Menbici ASO-ya təslim etməsi qərarı verilib. Terrorçular isə Menbicdən Fərat çayının qərbinə doğru geri çəkiləcək.
