Spiker Oqtay Əsədov Milli Məclisin bu gün keçirilən plenar iclasında təyinatları təsdiqlənən məhkəmə hakimlərinə çağırış edib.
Bizimaaz.az xəbər verir ki, O.Əsədov hakimləri təbrik edib və onlara iş prosesində ədalətli olmağı tövsiyə edib.
“Mən sizi təbrik edirəm və ədalətli olmağı arzu edirəm. İnsanlar sizdən razı qalmalıdır”, - spiker bildirib.
Xatırladaq ki, Milli Məclisin bu gün keçirilən plenar iclasında Azərbaycan Ali Məhkəməsinə, Naxçıvan Muxtar Respublikası Ali Məhkəməsinə, Bakı, Gəncə, Sumqayıt, Şirvan və Şəki apellyasiya məhkəmələrinə yeni hakimlərin təyin edilməsi məsələsinə baxılıb, layihə səsverməyə çıxarılaraq qəbul olunub.
