Ukrayna Rusiyanın növbəti hücumuna hazırlaşır.AZXEBER.COM xarici mediaya istinadən xəbər verir ki, Ukrayna silahlı qüvvələri cənub və şərqdə şəhərləri silkələyən şiddətli partlayışlardan sonra Rusiyanın növbəti hücumuna hazırlaşır.Ukrayna prezidenti Volodimir Zelenski beynəlxalq ictimaiyyətin dəstəyini qazanmaq və vətəndaşlarını təşviq etmək üçün kampaniyasını davam etdirdiyi üçün qarşıdakı həftələrin gərgin və vacib olacağını bəyan edib.Zelenski əlavə edib: "Rusiya qoşunları ölkənin şərqində daha geniş əməliyyatlar aparmağa başlayacaq. Onlar daha çox raket və hətta termobarik bombalardan istifadə edə bilərlər. Amma biz bu hərəkətlərə qarşı hazırlaşırıq. Biz cavab verəcəyik".Ukrayna Silahlı Qüvvələrinin Baş Qərargah rəisinin bəyanatında deyilir: "Düşmən çox güman ki, Ukraynanın nəqliyyat infrastrukturu obyektlərinə hücumlarını davam etdirəcək ki, münaqişələrin davam etdiyi yerlərə təchizat çatdırılmasın”.Qeyd edək ki, Rusiya qüvvələri cənubdakı Mariupol şəhərini tam nəzarətə götürmək üçün hücumlarını davam etdirir.Avstriyanın baş naziri Karl Nehammer bu gün Moskvada Putinlə görüşəcəyini açıqlayıb. Putin fevralın 24-də Rusiyanın işğalı başlayandan bəri ilk dəfə Avropa İttifaqının həmkarı ilə üzbəüz görüşəcək."Biz hərbi baxımdan neytralıq, lakin Rusiyanın Ukraynaya qarşı hücumlarında mövqeyimiz bəllidir. Bu dayanmalıdır! Humanitar dəhlizlər, atəşkəs və müharibə cinayətləri araşdırılmalıdır", - Nehammer Twitter hesabında bildirib.Rusiyanın işğalı 44 milyon əhalisi olan Ukraynada əhalinin dörddə birinin didərgin düşməsi ilə nəticələnib, şəhərlər xarabalığa çevrilib, minlərlə insan həlak olub və yaralanıb.
Rusiya indiyədək böyük şəhərləri ələ keçirə bilməsə də, Ukrayna bildirir ki, Moskva şərqdə qüvvələrini toplayaraq və rus əhalisini bu əraziləri tərk etməyə çağıraraq böyük hücuma hazırlaşır.
Ayşən Mirzəyeva
