Ukraynanın Buça və İrpen şəhərlərində üzərində təcavüz və işgəncə əlamətləri olan qətlə yetirilmiş uşaqlar aşkar olunub.
Bu barədə məlumatı “Pravda” öz rəsmi teleqram kanalında paylaşıb.
Məlumata görə, sözügedən uşaqlar 10 yaşa qədər olan azyaşlılardır.
Qətlə yetirilən uşaqların bəzilərinin əlləri bağlı olub.
Qeyd edək ki, Ukrayna Silahlı Qüvvələri Buça şəhərini rusiyalı hərbçilərdən azad etdikdən sonra küçələrdə əlləri bağlı insan cəsədləri aşkarlanıb. Rusiya hərbi komandanlığı sözügedən şəhərdə ukraynalıların işgəncə, təcavüzə məruz qalmasını və qətlə yetirilməsini “təxribat” adlandırıb. Rusiya tərəfi həmin cinayətləri neonasistlərin törətdiyini iddia edib.
