Türkiyə Prezidenti Rəcəb Tayyib Ərdoğan Rusiyaya işgüzar səfərə yollanıb.
Ərdoğanla birlikdə Türkiyənin Energetika və Təbii Sərvətlər naziri Fatih Sönməz, Xəzinə və Maliyyə naziri Barat Albayraq, Müdafiə naziri Hulusi Akar və Ticarət naziri Ruhsar Pekcan Soçiyə yollanıb.
Qeyd edək ki, Soçidə Ərdoğanın Vladimir Putinlə təkbətək görüşü ilə yanaşı, nümayəndə heyətlərinin iştirakı ilə geniştərkibli görüş də nəzərdə tutulub.
***
Bu dəqiqələrdə Rəcəb Tayyib Ərdoğanla Rusiya Prezidenti Vladimir Putin arasında Soçidə görüş başlayıb.
***
Hazırda sadəcə regionumuzun deyil, bütün dünyanın gözü Soçidədir.
Bu sözləri Türkiyə Prezidenti Rəcəb Tayyib Ərdoğan Soçidə Vladimir Putinlə görüşdən əvvəl çıxışı zamanı deyib.
“Rusiya ilə siyasi, hərbi və iqtisadi sahələrdə aparılan fikir mübadiləmiz bir-birimizi gücləndirəcək miqyasdadır. Soçidə qəbul olunacaq qərar inanıram ki, bölgəyə çox fərqli bir ümid olacaqdır. Regional məsələlərdəki həmrəyliyimiz bölgəyə ümid verir”, - Ərdoğan bildirib.
Təkbətək görüşdən əvvəl həmçinin Rusiya Prezidenti Vladimir Putin də fikirlərini bölüşüb. Putin Türkiyə ilə münasibətlərin müsbət məcrada inkişaf etdiyini bildirib:
“Münasibətlərimiz iqtisadi cəhətdən sürətli templə böyüyür. Bölgənin təhlükəsizliyi baxımından da münasibətlərimiz inkişaf edir. Müzakirə ediləcək çox mövzu var. Bəziləri qarışıq məsələlərdir. Bunları həm nəzərdən keçirəcək, həm də həll yollarını axtaracağıq”.
***
Türkiyə Prezidenti Rəcəb Tayyip Ərdoğan ilə Rusiya Prezidenti Vladimir Putinin Soçidə keçirilən görüşü başa çatıb.
Mətbuata qapalı keçən görüş 1 saat 50 dəqiqə davam edib. Təkbətək görüşdən sonra prezidentlər nümayəndə heyətlərinin iştirakı ilə danışıqlar aparıblar. Liderlərin görüşündə Suriya məsələsi başda olmaqla, bir sıra regional və beynəlxalq məsələlər ətrafında fikir mübadiləsi aparıldığı bildirilir.
***
Soçidə keçirilən zirvə görüşündə razılıq əldə olunub.
Tarixi zirvədə İdlibin silahlardan təmizlənməsi barədə qərar verilib.
Görüşdən sonra Putin və Ərdoğan mətbuat konfransı keçirib.
Putin bildirib ki, Rusiya İdlibdə təhlükəsizlik bölgəsini quran ölkələrdən biridir: "Bizim narahatlığımız İdlibdə savaşanların Hələb və Rusiya hərbi bazalarına təhlükəsinin olmasıdır. 15 oktyabrda silahlılar 15-20 kilometrə qədər geri çəkiləcək, bu ərazilər tərksilah bölgəsi olacaq. Cənab Ərdoğanın təklifi ilə bütün müxalif qrupların ağır silahları bölgədən çıxarılacaq. Regiona Türkiyə və Rusiya qoşunları birgə nəzarət edəcək".
Ərdoğan isə öz növbəsində deyib: "Dəyərli dostum ilə bu il 4-cü dəfə bir araya gəlmişik. Müxaliflər və rejimin nəzarətindəki ərazilər arasında təhlükəsizlik bölgəsinin yaradılması barədə razılaşdıq. Müxaliflər olduqları sahədə qalmağa davam edəcək. Rusiya və Türkiyə koordinasiyalı şəkildə patrul fəaliyyəti göstərəcək.
Radikal qruplar sözügedən ərazidə fəaliyyət göstərməyəcək
