Rusiya hökuməti Ermənistan Baş naziri Nikol Paşinyanın NATO-nun Brüssel sammitinə qatılmasından qəzəblənib.
Bu iddia ilə “İrates” qəzeti irəli sürüb. Artıq Ermənistan Xarici İşlər Nazirliyinin Moskvaya lazımi açıqlamalar verdiyi bildirilib. Belə ki, cavabda XİN NATO-nun Rusiyaya qarşı əsas iclasına İrəvanın dəvət almadığı deyib, amma bu, yenə də Moskvanı razı salmayıb.
Başqa bir maraqlı məlumatı isə “Jamanak” qəzeti yayıb. Qəzet sentyabrın 8-də Ermənistana ABŞ-dan böyük nümayəndə heyətinin gələcəyini bildirib. Bu nümayəndə heyətinin tərkibində konqresmenlər, senatorlar, eləcə də müxtəlif şirkət rəhbərlərinin olması nəzərdə tutulub.
