Şimali Amerikanın Aerokosmik Müdafiə Komandanlığından hava məkanının pozulması ehtimalı barədə məlumat daxil olduqdan sonra ABŞ Konqresinin binasındakı hər kəs təxliyyə edilib, həmçinin, prezidentin Vaşinqtondakı iqamətgahının ərazisi nəzarətə götürülüb.

Bizimaz.az: Oxu.Az xəbər verir ki, bu barədə ABŞ mətbuatı yazıb.

“ABŞ Sahil Mühafizəsinin helikopterləri araşdırma aparmaq üçün hadisə yerinə göndərilib. Helikopterlər müdaxilə tələb edəcək heç bir təhdid aşkarlamayıb. Bu isə hüquq-mühafizə orqanlarını ərazidə mümkün pilotsuz uçuş aparatının axtarışına başlamağa vadar edib”, – komandanlıqdan bildirilib.

İlkin məlumatlara görə, radarların ekranında hava məkanına icazəsiz daxil olan təyyarə peyda olub. Nəticədə, Ağ Ev və Konqres binaları qısa müddətə bağlanıb.