Çin hökuməti 47 şəhərinin sakinlərinə sabahdan etibarən Tayvana özəl səfərlər etməyi qadağan edib.
Bizimaz.az xəbər verir ki, rəsmi Pekin qadağanın müvəqqəti xarakter daşıdığını bildirib. Qadağaya səbəb kimi isə Çinlə Tayvan arasında olan gərgin münasibət göstərilib.
Hələlik qadağanın məhz hansı şəhərlərə aid edildiyi açıqlanmayıb.
Qeyd edək ki, Çinlə Tayvan arasında münasibətlər ABŞ-ın ada “dövləti”nə 2 milyard dollarlıq silah satışına izn verməsindən sonra gərginləşib. Pekin Vaşinqtonun bu addımını kəskin şəkildə qınayaraq Tayvanın öz ərazisi olduğunu xatırladıb.
