ABŞ Çinin daha 4 texnologiya şirkətini və bir kompüter texnologiyaları institutunu qara siyahıya salıb.
Bizimaz.az: Axar.az xəbər verir ki, bu məlumatı ABŞ Ticarət Nazirliyi yayıb. Qara siyahıya salınan şirkətlər arasında “Higon”, “Sugon”, "Chengdu Haiguang Integrated Circuit” və “Chengdu Haiguang Microelectronics Technology” yer alıb.
ABŞ sanksiyalarına həmçinin Çinin Tszyanan Kompüter Texnologiyaları İnstitutu da məruz qalıb.
Onların hər birinə “Huavey” şirkəti üçün nəzərdə tutulan qadağalar tətbiq olunub.
Nazirlik bu şirkətlərin ABŞ təhlükəsizliyinə təhdid yaratdığını, onların Çin ordusu üçün superkompüterlər hazırladığını bildirib.
