ABŞ-ın hazırkı prezidenti Donald Tramp 2020-ci il prezident seçkilərinə namizədliyini 18 iyun tarixində rəsmi şəkildə açıqlayacaq.

Bizimaz.az xəbər verir ki, prezident bu barədə tvitter hesabında yazıb.

“İkinci dövr prezidentlik üçün yarışacağımı 18 iyunda birinci xanım Melaniya Tramp, prezident köməkçisi Mayk Pens və həyat yoldaşı Karen Pens ilə birlikdə Floridanın Orlando şəhərində elan edəcəm. 20 min nəfərlik “Amway Center”də keçiriləcək tarixi görüşdə bizə qatılın”, - Tramp qeyd edib.

Qeyd edək ki, ABŞ-da növbəti – 59-cu prezident seçkiləri 3 noyabr 2020-ci ildə keçiriləcək.

İlkin müşahidələrə əsasən, Demokratlar Partiyasında prezidentliyə namizədlik rəqabətində sabiq prezident köməkçisi Co Bayden açıq fərqlə irəlidədir.

Publika.az