Braziliyalı model Tales Soares San Paulo şəhərində keçirilən dəfilə zamanı podiumda dünyasını dəyişib.
Kult.az xəbər verir ki, Soares səhnədə müvazinətini itirərək yıxılıb və ayağa qalxa bilməyib. Dəfilədəki qonaqlar modelin yıxılmasını şounun bir hissəsi zənn etsələr də, sonradan onun vəziyyətinin pis olduğunu görərək həkim çağırıblar. Həkimlərin müdaxiləsinə baxmayaraq, Soaresin həyatını xilas etmək mümkün olmayıb.
Soaresin epilepsiya nəticəsində öldüyü bildirilsə də, həkimlər hələlik rəsmi açıqlama verməyib.
