ABŞ Dövlət Departamentinin mətbuat xidmətinin rəhbəri Hizer Nauert istefa verib.
Bizimaz.az “Qafqazinfo”ya istinadən xəbər verir ki, bu barədə dövlət katibi Mayk Pompeo Tvitterdə məlumat yayıb.
Onun sözlərinə görə, Nauert əsası 1946-cı ildə senator Ceyms Uilyam Fulbrayt tərəfindən qoyulmuş “Fulbrayt” tələbə proqramı üzrə işə başlayıb.
“Dövlət Departamentinin mehriban kollektivi adından Hizer Nauertə iki il ərzində gördüyü mükəmməl və misilsiz fəaliyyətinə görə minnətdarlıq edirəm. Sən “Fulbrayt” proqramında işləməklə Amerikanı yaxşı təmsil edəcəksən”, - deyə Pompeo bildirib.
Xatırladaq ki, H. Nauert 24 aprel 2017-ci ildə Dövlət Departamentinin mətbuat xidmətinin rəhbəri təyin edilmişdi. Prezident Donald Tramp 7 dekabr 2018-ci ildə Nauerti ABŞ-ın BMT-dəki səfiri vəzifəsinə namizəd göstərəcəyini açıqlamışdı.
