Bizimaz.az xəbər verir ki, bunu İsrailin baş naziri Benyamin Netanyahu deyib.

Onun sözlərinə görə, növbəti layihə 5 il ərzində gerçəkləşdiriləcək.

“Qüdsdə 276 milyon dollarlıq sərmayə ilə yeni binalar tikiləcək. Bu çərçivədə yeni anlaşma imzaladıq. Qüds təkcə yaşayış məskəni deyil, sonsuza qədər İsrailin paytaxtı və əbədi varlığının 3 min illik parçasıdır”-, Netanyahu sosial media hesabında qeyd edib.

İsrailin “Kanal 7” televiziyası sözügedən razılaşmanın Netanyahunun iştirakı ilə Maliyyə Nazirliyi, İsrail Torpaqları İdarəsi və Qüds bələdiyyəsi arasında imzalandığını elan edib.

Razılaşmaya əsasən, köhnə və yeni Qüdsə aid məhəllələr inkişaf etdiriləcək. İnfrastruktur üçün sərmayə və yeni iş yerinə çevirmək üçün geniş yerlər təsis ediləcək.