Rusiya ordusu öz imkanlarının ən yüksək səviyyəsinə 2028-ci ildə çatacaq.
Bizimaz.az xəbər verir ki, bunu “Röyter” agentliyinə müsahibəsində ABŞ Müdafiə Nazirliyinin rəsmi nümayəndəsi Mark Esper deyib. Onun sözlərinə görə, Çin bu imkanlara 2030-cu ildə çatacaq.
Espert ABŞ-ın 200 silahlanma proqramını ixtisar edib, qapadıb və ya təxirə salacağını, bunları Rusiya və Çin ordusu üzərində qələbə imkanlarının yaradılmasına yönəldəcəyini bildirib:
“2028-ci il və ondan sonrakı dövrə diqqətimizi yönəldirik. Ona görə də düşünürük ki, bu zamana qədər ruslar “pik” həddə çatacaqlar. İraq və Əfqanıstan kampaniyaları zamanı ABŞ ordusu Çin və Rusiya kimi ölkələrlə mübarizə hazırlığından imtina etdi. Nəticədə Amerika ordusuna indi 40 il ərzində istismarda olan avadanlıqları yeniləmək lazımdır. 2019-cu ildə ABŞ ordusu büdcədən 182 milyard dollar istəyib. Bu vəsaitin 22 milyard dolları yeni silahlanma sistemlərinin alışına yönələcək”.
