“Kardif Siti”nin argentinalı forvardı Emiliano Salanın olduğu təyyarə La-Manş ərazisində tapılıb.
Axar.az xəbər verir ki, bu barədə “Skay Nyus” informasiya yayıb.
Axtarışların nəticəsi barədə futbolçunun ailə üzvlərinə də məlumat verilib.
***
Emiliano Salanın olduğu təyyarənin qalıqları yaxınlığında cəsəd aşkarlanıb.
Cəsəsdin hələlik kimə məxsus olduğu ilə bağlı məlumat verilməyib. Rəsmilər təyyarənin tapılan qalığının fotosunu yayıblar.
Xatırladaq ki, Fransanın “Nant” klubundan Uelsin “Kardiff-Siti” klubuna transfer edildikdən sonra Nant şəhərindən Uelsin paytaxtına uçan 28 yaşlı argentinalı hücumçunu aparan təyyarə yanvarın 21-də La-Manşdakı Normand adalarında radarlardan itmişdi. Fransa polisi günlərlə heç bir xəbər alınmayan təyyarənin axtarışlarının dayandırıldığını elan etmişdi. Daha sonra isə təyyarənin axtarışlarının davam etdirilməsi üçün vəsait toplanılmasına başlanıldı. PSJ-nin hücumçusu Kilian Mbappe və “Marsel”in yarımmüdafiəçisi Dmitri Payetin də dəstəyi ilə 290 min funtdan çox vəsait toplandı və axtarışlara yenidən start verildi.
