Almaniyanın “Volksvagen” avtokonserni 2018-ci ildə dünyanın ən böyük avtomobil istehsalçısı olub.
Bizimaz.az xəbər verir ki, “Volksvagen” artıq 3-cü ildir ard-arda birinci yeri tutur.
Alman şirkətindən sonrakı yerdə Yaponiyanın “Toyota” şirkəti qərarlaşıb. Yapon şirkəti keçən il istehsal etdiyi avtomobillərin sayını 2% artıraraq 10,6 milyon ədədə çatdırıb.
Qeyd edək ki, “Volksvagen” keçən il ərzində 10,8 milyon ədəd avtomobil istehsal edib. Alman avtokonserni öz tərkibində “Audi”, “Bentley”,”Buqatti”, “Lamborcini”, “Porşe”, SEAT, “Şkoda” kimi avtomobil markaları, “Ducati” motosikletləri, MAN, “Scania” və “Volksvagen Kommersial” yük maşın markalarını cəmləşdirib.
