Rusiya sülhməramlıları Kəlbəcər rayonuna 80 ton humanitar yükün tranzitini təşkil ediblər.
Bizimaz.az Axar.az-a istinadən xəbər verir ki, bu məlumatı Rusiya Müdafiə Nazirliyi yayıb. Məlumata görə, sosial obyektlər və yaşayış evlərinin enerji və su təminatı sistemlərini bərpası üçün Humanitar Reaksiya Mərkəzi “KamAZ” markalı 15 hərbi yük maşınından ibarət kolonun Xankəndi-Suqovuşan-Kəlbəcər marşrutu üzrə Kəlbəcərə daxil olmasına şərait yaradıb. Kolonun elektrik avadanlığı və tikinti materialları daşıdığı bildirilib.
Nazirlik indiyədək 1 600 ton yükün tranzitinin (? – red.) təşkil edildiyini açıqlayıb.
“Yükün çatdırılması Azərbaycan, Rusiya və Ermənistan arasında ötən il noyabrın 10-da imzalanmış üçtərəfli bəyanata əsasən gerçəkləşdirilib”.
