Dünyanın əksər ölkələrində insanlar koronavirus (COVID-19) səbəbindən yeni ili öz evlərində sakitcə qarşılayıblar. Lakin virusun peyda olduğu Çinin Uhan şəhərində yeni il gecəsi daha təntənəli şəkildə qeyd olunub.
Bizimaz.az Modern.az-a istinadən xəbər verir ki, minlərlə insan şəhər mərkəzinə toplaşaraq yeni ili birlikdə qarşılayıblar.
Xatırladaq ki, hazırda dünyanı bürüyən koronavirus 2019-cu ilin dekabrında Çinin Uhan şəhərindən vüsət götürüb.
Ümumdünya Səhiyyə Təşkilatının son məlumatına əsasən, dünyada COVID-19-a yoluxanların sayı 81 milyon 947 min 503 nəfərə, bu virus səbəbindən ölənlərin sayı isə 1 milyon 808 min 41 nəfərə çatıb.
