Rusiya Prezidenti Vladimir Putin və Almaniya kansleri Angela Merkel arasında telefon danışığı olub.
Bizimaz.az Axar.az-a istinadən xəbər verir ki, liderlər Qarabağdakı vəziyyəti müzakirə edib.
Putin hərbi əməliyyatların dayandırılması məqsədilə həyata keçirilən Rusiyanın vasitəçilik səyləri, həmçinin Rusiya sülhməramlılarının fəaliyyəti barədə məlumat verib.
O bildirib ki, Azərbaycan, Rusiya və Ermənistanın liderlərinin 10 noyabr tarixli Bəyanatına əsasən, qeyd olunan məsələlərin ardıcıl şəkildə həyata keçirilməsi regiondakı vəziyyətin sabitləşməsinə imkan yaradır.
Tərəflər məsələ ilə bağlı ATƏT-in Minsk Qrupu çərçivəsində əməkdaşlığa hazır olduqlarını da deyiblər.
