Maltanın Finlandiyadakı səfiri Zammit Tabona istefaya göndərilib.
Bizimaz.az xəbər verir ki, buna səbəb səfirin Almaniya kansleri Angela Merkeli Adolf Hitlerlə müqayisə etməsi olub.
Malta Xarici İşlər naziri Evarist Bartolo səfirin istefasını təsdiqləyərək, tezliklə Almaniyadan rəsmi şəkildə üzr istəyəcəklərini bildirib.
Qeyd edək ki, Tabona 8 mayda öz Feysbuk səhifəsində Merkeli tənqid edən paylaşım etmişdi. O, Merkelin Hitlerin Avropaya nəzarət barədə arzusunu həyata keçirdiyini bildirmişdi:
“75 il əvvəl biz Hitleri dayandıra bildik. Angela Merkeli kim dayandıracaq?”
