Fransada Avropa İttifaqı və Böyük Britaniya vətəndaşlarının karantində qalmaq məcburiyyətində olmadıqlarını bildirib.
Bu barədə “Demirören Haber Ajansı” (DHA) Fransa Nazirlər Kabinetindən verilən açıqlamaya əsasən məlumat yayır.
Qeyd edilir ki, milliyyətindən asılı olmayaraq, Fransaya Avropa İttifaqı, Şengen müqaviləsi ərazisindən və ya Böyük Britaniyadan gələnlərə heç bir karantin tətbiq edilmir.
Eyni zamanda, Fransa mayın 11-dən etibarən karantin rejimi qaydalarını tədricən aradan qaldırmağa qərar verib. Sərbəst hərəkət məhdudiyyətinin mayın 11-dən aradan qaldırılması qərara alınsa da, uşaq bağçaları, ibtidai və orta məktəblər tədricən və istəyə görə açılacaq. Orta məktəblərdə gigiyena qaydalarına riayət etmək və maska taxmaq tələb olunmaqla bir sinifdə ən çox 15 şagirdin tədris almasına icazə veriləcək.
