Rusiya ABŞ-a nota verib. Moderator.az-ın məlumatına görə, notanı Rusiyanın ABŞ-dakı səfiri Anatoli Antonov Dövlət Departmentinə təqdim edib.
Notada ABŞ-da həbsdə olan, 7 il azadlıqdan məhrum edilmiş Rusiya vətəndaşı Boqdana Osipovaya həbsxanada etinasız münasibət göstərildiyi vurğulanıb və onun Kovid-19 virusu ilə bağlı testdən keçirilmədiyindən narahatlıq ifadə edilib. Notada Rusiya tərəfi Osipovanın məhbəsdə koronavirusa yoluxmaması üçün lazımi və təxirəsalınmaz tədbirlər görməsini tələb edib.
Uzun müddət ABŞ-da yaşayan Boqdana Osipova 2014-cü ildə hamilə olarkən ərindən xəbərsiz Rusiyaya gəlib və burada ikinci qız övladını dünyaya gəlib. 2017-ci ilin sentyabrında yenidən ABŞ-a dönən iki qız anası Amerika qanunları ilə uşaq oğurluğunda ittiham edilərək 7 il müddətinə azadlıqdan məhrum olunub. Osipova iddiaçı tərəfə 18 min dollar məbləğində təzminat da ödəməlidir. Boqdana Osipova hazırda Konektikut ştatında yerləşən "Donberi" həbsxanasında cəza çəkir.
Xatırladaq ki, bir müddət əvvəl ABŞ-da həbs edilən rusiyalı pilot Konstantin Yaroşenko da bu həbsxanada saxlanır. Rusiyanın tələbindən sonra Yaroşenko da tibbi müayinədən keçirilmiş, onun simtompsuz koronavirus daşıyıcısı olması barədə şübhələr təsdiqini tapmamışdı.
