Dindarlar tibb işçilərinə Quran ayəsi ilə təşəkkür etdilər.
Maraqlı hadisə Hollandiyada baş verib.
Moderator.az xəbər verir ki, Amersfoot Rahan Məscidinin işçiləri bir avtobus dayanacağına vurduqları pankartda koronavirusla mübarizə aparan həkimlərə Quran ayəsi ilə təşəkkür ünvanlayıblar.
İngilis dilində yazılan afişada Maidə sürəsi, “Kim bir can xilas edərsə, bütün insanların həyatını xilas etmək kimidir” yazılıb. Pankartdakı ayənin altında isə “səhiyyə işçilərinə təşəkkür edirik” sözləri yer alıb.
Amersfoot Rahman Məscidi tərəfindən verilən açıqlamada pankartın bir həftə boyunca dayanacaqda asılacağı bildirilib. İndiyə kimi isə ölkədə 18 min 803 nəfər koronavirus pandemiyasına yoluxub və onlardan 876 nəfəri dünyasını dəyişib.
