Çin hökuməti yeni tip koronavirusdan ölənlərin xatirəsini anmaq üçün 1 günlük matəm elan edilməsi haqda qərar qəbul edib.
Bizimaz.az xəbər verir ki, qərara əsasən ölkədə aprelin 4-ü matəm günü elan olunub.
Bildirilib ki, ölənlərin xatirəsi səhər saat 10:00-da 3 dəqiqəlik sükutla yad ediləcək, nəqliyyat vasitələri siqnal verəcək. Eyni zamanda həm ölkədə, həm də müxtəlif dövlətlərdəki diplomatik nümayəndəliklərdə bayraqlar yarıya qədər endiriləcək.
Qeyd edək ki, Çində ümumilikdə 81 min 620 nəfərdə pandemiya aşkarlanıb. Bu günə kimi 76 min 571 nəfər sağalaraq evə buraxılıb, 3.318 nəfər ölüb.
istinad
