Rusiya Prezidenti Vladimir Putinin imzaladığı fərmanla Nazirlər Kabinetinin tərkibi dəyişildi.
Bizimaz.az: Axar.az xəbər verir ki, gözləntilərdə daha az dəyişiklik olacağı, əslində kabineti təşkil edən nazirlərin böyük əksəriyyətinin qalacağı bildirilsə də, fərqli mənzərə üzə çıxdı. Senator Aleksey Puşkov da ciddi dəyişikliyin olmayacağını proqnoz edənlərin yanıldığını, Putinin dəyişikliyinin “inanılmaz qədər böyükmiqyaslı” olduğunu bildirdi.
Maraqlıdır, kimlər vəzifəsini qorudu və kimlər getdi?
Beləliklə, vəzifəsini qoruyanlar:
Müdafiə naziri Sergey Şoyqu, Xarici İşlər naziri Sergey Lavrov, Daxili İşlər naziri Vladimir Kolokoltsev, Energetika naziri Aleksandr Novak, Sənaye və Ticarət naziri Denis Manturov, İnşaat və Mənzil-kommunal Təsərrüfatı naziri Vladimir Yakuşev, Maliyyə naziri Anton Siluanov.
Vəzifədən gedənlər və yenilər:
İqtisadi İnkişaf naziri Maksim Oreşkini Perm vilayətinin qubernatoru Maksim Reşetnikov, Mülki Müdafiə, Fövqəladə Hallar naziri Vladimir Puçkovu Yevgeni Ziniçev, Ədliyyə naziri Aleksandr Konovalovu Konstantin Çuyçenko, Səhiyyə naziri Veronika Skvortsovanı Mixail Muraşko, Əmək və Əhalinin Sosial Müdafiəsi naziri Maksim Topilini Anton Kotyakov, Mədəniyyət naziri Vladimir Medinskini Olqa Lyubimova, İdman naziri Pavel Kolobkovu Oleq Matıtçın, Elm və Ali Təhsil naziri Mixail Kotyukovu Sergey Kravtsov, Rəqəmsal inkişaf, rabitə və kütləvi media naziri Konstantin Noskovu Maqsud Şadayev, Təbii Sərvətlər və Ekologiya naziri Sergey Donskoyu Dmitri Kobulkin və s. əvəzlədi.
Yeni təyinatları saytımıza şərh edən politoloq İlqar Vəlizadə bildirib ki, bütün bu kadr əvəzlənməsi ölkədə çox şeyi dəyişdirəcək:
“Rusiya yeni dövrə qədəm qoyur. Ölkədə iqtisadi inkişafın artırılması kursu güclənir, düşünürəm ki, bu, Rusiyanın idarəçilik sistemində köklü dəyişikliyin başlanğıcıdır”.
