Albaniya Baş nazirinin gəlini ölkədə baş verən güclü zəlzələdə həlak olub.

Bu barədə “Daily Mail” xəbər yayıb.

Nəşrdə bildirir ki, Baş nazirin oğlu Qreqor Rama özünün “Instagram” hesabında yazıb ki, ona ən yaxın insan da dağıntılar altında qalan insanların arasından çıxıb.

Qreqorun nişanlısı Kristi Reci atası, anası və qardaşı ilə birlikdə həlak olub.

Onun adı Müdafiə Nazirliyinin qurbanların adı ilə bağlı dərc etdiyi siyahıda da var.

Xatırladaq ki, çərşənbə axşamına keçən gecə Albaniyada 6,4 bal gücündə zəlzələ baş vermişdi. Yerli KİV-in məlumatına görə, yeraltı təkanlar daha çox Tiranada və zəlzələnin episentrinə ən yaxın məsafədə yerləşən Durres şəhərində hiss edilib. Son məlumatlara görə, təbii fəlakət nəticəsində 48 nəfər həlak olub, 790 nəfər yaralanıb.

Durres şəhərində hələ də xilasetmə işləri davam edir.