Eldar Qasımov və Nigar Camalın “Eurovision”da qalibiyyəti Türkiyə dərsliyinə salınıb. “Qafqazinfo” xəbər verir ki, bu barədə Nigar instaqram səhifəsində məlumat yayıb.
O, “Yedi İklim Türkçe” adlı kitabın görüntülərini paylaşaraq şərəf duyduğunu qeyd edib.
Qeyd edək ki, Eldarla Nigar 2011-ci ildə Almaniyanın Düsseldorf şəhərində keçirilən mahnı müsabiqəsində 221 xalla birincilik əldə etmişdi. Onları qalib edən mahnı isə “Running Scared” olmuşdu.
