Dünyanın ən varlı 19-cu insanı olan hindistanlı Mukeş Ambaninin qızı İşa Ambani bir başqa milyarderin oğlu Anand Piramal ilə evlənib.
Bizimaz.az xəbər verir ki, toyda amerikalı müğənni Beyons səhnə alıb.
Qonaqlar arasında ABŞ-ın sabiq prezidenti Bill Klintonun həyat yoldaşı Hillari Klinton da olub. Həmçinin yazıçı Arianna Haffinqton da dəvətlilər arasında yer alıb. Qonaqları toya 100 ədəd təyyarə daşıyıb.
Həftəsonu başlayan toy çərşənbə günü nikah mərasimi ilə başa çatacaq.
Gəlinin atası 47 milyard dollarlıq sərvəti ilə Hindistanın ən varlı adamıdır. Bəyin atasının isə 5,4 milyard dollar sərvəti var. Ambani ailəsi Mumbayda dünyanın ən bahalı evində yaşayır.
