Məşhurların vergi ödəməsi ilə bağlı qanunlarda dəyişiklik olacaq.

Bizimaz.az Real TV-yə istinadən xəbər verir ki, iqtisad elmləri doktoru Zahid Məmmədov bu dəyişiklikdən söz açıb:

“Bu sahədə ciddi dəyişikliyin zamanı gəlib. Türkiyədə ən güclü müğənni daha çox vergi ödəyəndir. O da cəmiyyət içərisində bununla fəxr edir. İnsan yaşadığı lüks həyat qarşılığında vergi ödəmirsə, istifadə etdiyi mülkü əlindən alırlar. Onda, necə isbat edəcəksən ki, bu mal sənindir? Vergi ödəmədən bu mala necə sahib oldun? Kim hədiyyə etdi? O, vergi ödədimi? Mülk sahibi torpaq, sərvət, gəlir, mənfəət vergisi və əmək haqqı ödədimi? Bu, dəyişilməlidir.

Biz artıq vergi mədəniyyətini gətirməliyik. Gecə-gündüz özünü göstərənlər, zənginliyini təbliğ edənlər niyə vergi ödəməsin ki? 100 minlik maşın sürən insan vergi verməlidir. Maşınını, evini əlindən alacağıq. İsbat edəcək ki, bu maşın, ev mənim evimdir.

Hesab edirəm ki, alman standartına uyğun olaraq zənginliyinə fəxr edəcəksənsə, onun qarşılığında vergi ödəmirsənsə, gəlirini haradan gəldiyini isbat etməlisən. Bəlkə, “kirli” pulların yuyulması ilə məşğulsunuz, terrozimin maliyyələşdirilməsi ilə məşğulsunuz?”.