Azərbaycanda pensiyaçıların sayında 41,3 min nəfər azalma qeydə alınıb.
Bizimaz.az “Qafqazinfo” -a istinadən xəbər verir ki, bu, Hesablama Palatasının DSMF-nin 2023-cü il üzrə büdcəsi ilə bağlı rəyində əksini tapıb.
“Bu ilin yanvar ayının biri tarixinə tərtib edilmiş statistik hesabata əsasən ölkə üzrə pensiyaçıların ümumi sayı 1200,5 min nəfər olub ki, bunun da 707,0 min nəfəri yaşa görə, 347,3 min nəfəri əlilliyə görə və 146,2 min nəfəri isə ailə başçısını itirməyə görə əmək pensiyası alan şəxslərdir”, - deyə rəydə bildirilib.
Qeyd olunub ki, iyulun birinə tərtib edilmiş statistik hesabatda isə ümumi pensiyaçıların sayında 41,3 min nəfər, yaşa görə pensiya alan şəxslərin sayında 6 min nəfər, əlilliyə görə pensiya alan şəxslərin sayında 38,3 min nəfər azalma, ailə başçısını itirməyə görə pensiya alan şəxslərin sayında isə 3 min nəfər artım qeydə alınıb.
