Harun Uçak ADAU tələbələrinə mühazirə söyləyib
17 Mart 2021-ci il tarixində Türkiyənin Alaaddin Keykubad adına
Alanya Dövlət Universitetinin “İqtisadi və İdari Elmlər” fakültəsinin iqtisad
bölüm rəhbəri professor Harun Uçak Azərbaycan Dövlət Aqrar Universiteti
(ADAU) tələbələrinə “İnteqrasiya nəzəriyyəsi və Avropa İttifaqı təcrübəsi”
mövzusunda onlayn mühazirə oxuyub. Mühazirədə Universitetin professor-
müəllim heyəti də iştirak ediblər.
ADAU-nun Tədris işləri üzrə prorektoru, dossent Anar Hətəmov çıxış
edərək, professor Harun Uçağa öz minnətdarlığını bildirib. Bir daha
Universitetlərarası qarşılıqlı əməkdaşlığın zərurililiyini vurğulayıb.
Mühazirədə Harun Uçak inteqrasiya və onun mərhələlərindən,
Türkiyə-Avropa İttifaqı münasibətlərindən, bu sahədə Gömrük Təşkilatının
rolundan, Azərbaycanın bölgədəki əhəmiyyətindən geniş bəhs edib.
İqtisadiyyatın inkişafında ticarətin rolu vurğulanıb. Mühazirədə həmçinin
Çinin dünya bazarındakı mövqeyi və tarixi “İpək Yolu”nun imkanları da
qeyd edilib.
Sonda müəllim və tələbələrin sualları cavablandırılıb.
