“Şagirdlərin imtahan binalarına girməsindən öncə temperaturları ölçüləcək. Yüksək temperaturu olanlar imtahana buraxılmayacaq”.
Bizimaz.az-ın məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə pandemiya dövründə qurumun fəaliyyəti, təxirə salınan imtahanlar, gələcək işlər və digər məsələlərlə bağlı keçirdiyi mətbuat konfransında deyib.
Onun sözlərinə görə, qəbul imtahanı iki dəfə keçirilsə, onların imtahanın birində iştirak etmək şansı olacaq:
“Əgər imtahan bir dəfə keçirilsə, onlar üçün yenidən imtahanın keçirilməsi nəzərdə tutulmur. Çünki bizim buna imkanımız olmayacaq ki, kimsə xəstə halda imtahana gəlsin və biz sonra ona xüsusi imtahan təşkil edək.
İmtahana gələn hər bir şəxs bilməlidir ki, məsuliyyət daşıyır. Xəstədirsə, imtahana gəlməməlidir”.
istinad
