Bəzi tarixi hadisələr müəyyən dövrdən sonra yaddan çıxır, unudulur. Lakin elə tarixi hadisələr də var ki, heç vaxt unudulmur. Qərinələr ötsə belə, nəsillər bir-birini əvəz etsə belə öz qanları ilə dastan yazan şəhidlərimiz, torpaq uğrunda canından keçən oğul və qızlarımız heç vaxt unudulmur. Ən ali, müqəddəs və şərəfli olan şəhidlik zirvəsinə yüksələnlər daim qəlblərdə yaşayırlar. Uca Yaradanın, Vətənin, millətin yolunda şüurlu surətdə canlarını fəda edənlər hər zaman hörmətə layiqdirlər.

Torpaqlarımızın azadlığı uğrunda canlarından keçmiş oğul və qızlarımızın doğum və anım günlərinin qeyd olunması, əziz xatirələrinin yad edilməsi bu istiqamətdə görülən işlərin əyani sübutudur.
Və bu gün 6 fevral 2020-ci il tarixdə Laçın rayon M.Müseyibov adına  Bozlu kənd  tam orta məktəbində şəhid Müseyibovun anım günü keçirilmişdir.  Tədbirdə  şəhidin ailə üzvləri və yaxın qohumları. laçın rayon İcra hakimiyyətinin, Laçın rayon Təhsil şöbəsinin nümayəndələri iştirak etdilər. 






Əvvəlcə şəhidin xatirəsi bir dəqiqəlik sükutla yad edildi . 

Tədbiri giriş sözü ilə açan məktəbin direktoru N. Əhmədova şəhidin döyüş yolundan geniş söhbət açaraq bildirdi ki, məktəbimizin Müseyibovun adını daşımasından qürür duyuruq və  onun adını  daima yüksəklərə qaldıracağıq. 


Tədbirdə iştirak edən şəhid anası Gülxarə  ana xatirələrindən danışıb, bayatılar söyləyərək hər kəsi kövrəltdi. Sonda o  məktəbin kollektivinə öz minnətdarlığını bildirdi .

 Bu gün şəhidlər bizim həm nisgilimiz, kədərimiz, ürək ağrımız, həm də qürur yerimiz, fəxrimizdir. Gənc nəsilə qürur yerimiz olan şəhidlərimizi tanıtmaq, onları vətənpərvər ruhda böyütmək, torpağına bağlı, millətinə hörmət hissi ilə tərbiyə etmək isə hər bir vətəndaşın ən ümdə vəzifəsidir.

Torpaqlarımız uğrunda canından keçən hər bir şəhidimizə Allahdan rəhmət diləyirik. Ruhları şad, məkanları cənnət olsun.


Rauf Şirinoğlu