Bu dəqiqələrdə metronun “Elmlər Akademiyası” stansiyasında qatı tüstü müşahidə edilib.
Bizimaz.az: Modern.az-ın məlumatına görə, tüstü o qədər çox olub ki, görməni məhdudlaşdırıb, hətta SOS da işə salınıb.
Məsələ bağlı “Bakı Metropoliteni” QSC-nin mətbuat katibi Bəxtiyar Məmmədov bildirib ki, tüstüyə səbəb hansısa yanğın hadisəsi deyil:
“Stansiyalardakı ventilyatorlar iki rejimdə çalışır: biri havanı içəri sovurur, digəri içəridəki havanı çölə vurur. Həmin anda ventilyatorların iş rejimi havanı tunelə vurduğu üçün tüstü müşahidə edilib. Ventilyatorların avtomatik rejimində dəyişiklik edilib və problem aradan qalxıb”.
B.Məmmədov bildirib ki, narahatlıq üçün əsas yoxdur:
“Bəzən stansiyalarda “kabab iyi gəlir” deyənlər olur. Bu da ventilyatorın çöldən sovurduğu hava ilə əlaqədardır”.
