Ekologiya və Təbii Sərvətlər Nazirliyi Yeni il bayramı münasibətilə əsrarəngiz flaminqo quşlarını görmək istəyənləri milli parklara dəvət edir.
Bizimaz.az: Nazirlikdən Axar.az-a verilən məlumata görə, göz oxşayan füsunkar gözəlliklərdən həzz almaq, nadir quşları müşahidə etmək, istirahətini təbiət qoynunda keçirmək istəyənlər qış tətili günlərində milli parklara səyahət edə bilər.
Nazirlikdən bildirilib ki, bu quşlar Azərbaycana əsasən qışlamağa gələn nadir quş növləridir:
“Abşeron, Şirvan, Qızılağac və Ağgöl milli parklarına səyahət etməklə nadir quş növlərindən olan flaminqo, çəhrayı turan, yaşılbaş ördək, soltanquş, ağqaş qaz, göydimdik ördək, fısıldayan qu, qızılqaz, qıvrımmələk qu kimi quşları müşahidə edə bilərsiniz”.
Qeyd edək ki, hər il Azərbaycana qışlamaq üçün orta hesabla 1-1,5 milyona yaxın quş gəlir.
