Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərinin bir sıra məzunları buraxılış imtahanlarında yüksək nəticə göstəriblər.
Fövqəladə Hallar naziri Kəmaləddin Heydərovun həyat yoldaşı Ruhəngiz Heydərova Bakı Beynəlxalq Multikulturalizm Mərkəzinin (BBMM) elan etdiyi tenderin qalibi olub.
Dövlət idarələrində, xüsusilə vətəndaşlarla təmasda olan qurumlarda korrupsiyaya, rüşvətxorluğa qarşı ciddi mübarizənin aparılması ilə bağlı Azərbaycan Respublikasının Prezidenti cənab İlham Əliyevin çıxışlarından irəli gələn tapşırıqların yerinə yetirilməsi məqsədilə Ekologiya və Təbii Sərvətlər Nazirliyi tərəfindən korrupsiya təzahürlərinin qarşısının alınması və belə hallara səbəb olan şəraitin aradan qaldırılması üçün ardıcıl tədbirlər həyata keçirilir. İş fəaliyyətinin qeyri-qənaətbəxş təşkilinə, işçilərin fəaliyyətinə nəzarətin lazımi səviyyədə həyata keçirilmədiyinə, xidməti ərazidə ekoloji qanunvericiliyin tələblərinin pozulmasına, xüsusilə yaşıllıqların məhv edilməsinə qarşı zəruri tədbirlər görülmədiyinə, daxil olan məlumat, ərizə və şikayətlərin araşdırılmasında, inzibati xəta haqqında qərarların qəbul edilməsi zamanı ciddi nöqsan və qanunsuzluqlara yol verildiyinə görə ETSN-nin bəzi struktur vahidlərinin rəhbərləri və əməkdaşları tutduqları vəzifədən azad edilmiş, töhmət verilmiş, yaxud, aşağı vəzifəyə keçirilmişlər.
Barəsində ən azından ciddi intizam tənbeh tədbirləri görülməli olan vəzifəli şəxslərdən biri barədə “Sayca 2-ci, korrupsiyada 1-ci ekologiya idarəsi” başlıqlı məqaləmiz oxuculara təqdim olunandan sonra redaksiyamıza Tovuz rayon 2 saylı Regional Ekologiya və Təbii Sərvətlər İdarəsinin vəzifəli şəxslərinin fəaliyyətindəki neqativ hallara dair yeni-yeni məlumatlar daxil olmaqdadır. Ümid edirik ki, nəhayət, hüquq-mühafizə və cinayət təqibi orqanlarına təbii sərvətlərimizi qənim kəsilənlərin əhatə dairəsini dəqiq müəyyən etməyə kömək etmiş olacaq.
Quruma rəhbərlik edən Afiyət Mikayılovdan, talançılara saxta arayışlar verən bələdiyyə sədrlərindən əlavə idarənin daha iki nəfər əməkdaşının daşıdıqları vəzifə səlahiyyətlərindən sui-istifadə etmələrinə dair məlumat vardır. Bildirilir ki, Natiq və Yaşar Mustafayev adlı şəxslər Afiyət Mikayılovun "sağ əlidir"lər. İdarənin nəzarət dairəsində olan ərazidəki rayonlarda - Qazax, Ağstafa, Tovuz, Şəmkir və Gədəbəydə fəaliyyət göstərən obyektlər - yeşik sexləri, daş-çınqıl karxanaları məhz bu adamların vasitəsilə vaxtaşırı rəisin “hüzürün”a gətizdirilir.
Əminik, Afiyət Mikayılovun idarəsində araşdırma aparılarsa, tərtib olunmuş sənədlərin də bir çoxunda neqativ halların olduğu üzə çıxar, baxılması üçün Azərbaycan Respublikasının Baş Prokurorluğuna göndərilməsi zərurəti yaranar. Araşdırmamız davam edir. Qarşı tərəfin mövqeyini dərc etməyə hazırıq. Zaur Vəliyev
Azərbaycan Respublikasında koronavirus (COVID-19) infeksiyasına 93 yeni yoluxma faktı qeydə alınıb, 202 nəfər müalicə olunaraq sağalıb və evə buraxılıb.
Sərtləşdirilmiş xüsusi karantin rejiminin tətbiq olunduğu 13 şəhər və rayon üzrə birdəfəlik ödəmə (190 manat) almaq hüququ yaranan 278 min şəxsin siyahısı artıq aidiyyəti banklara göndərilib.
