“Biz Ukrayna ilə Rusiya federasiyası arasındakı “Dostluq, əməkdaşlıq və tərəfdaşlıq haqqında müqavilə”nin qüvvəsini dayandırmaq barədə addım atmaq qərarına gəlmişik.” – deyə, Poroşenko vurğulayıb. 

Pyotr Poroşenko oun da əlavə edib ki, Rusiya ilə dostluq münasibətlərinə dair müqavilənin ləğvi prosesinə başlamaq üçün yaxın zamanlarda Ukrayna Xarici İşlər Nazirliyi tərəfindən müvafiq sənədlər paketinin təqdim olunmasını gözləyir. 

Qeyd edək ki, 1997-ci ildə imzalanan “Dostluq, əməkdaşlıq və tərəfdaşlıq haqqında müqavilə” ilə Ukrayna və Rusiya arasında qarşılıq hörmət, suveren bərabərlik, ərazi bütövlüyü, sərhədlərin pozulmazlığı, mübahisələrin sülh yolu ilə həlli, iqtisadi və digər növ təzyiq vasitələrindən istifadə də daxil olmaqla güc tətbiq etməmək və güclə hədələməmək prinsiplərinə əsaslanan strateji tərəfdaşlıq münasibətləri qurulub. Əgər tərəflərdən heç biri etiraz etmirsə, müqavilənin uzadılma müddəti əvvəlki prolonqasiyadan başlayaraq 10 ildir.