“Toppuş bacı” ləqəbi ilə tanınan Əməkdar artist Tünzalə Əliyeva yenidən xəstəxanaya yerləşdirilib.

Bizimaz.az  xəbər verir ki, aktrisa yenidən kimyaterapiya alacaq. O, bu haqda şəxsi “Instagram” hesabında məlumat verib.

Tünzalə fotosunu paylaşaraq “İllərdir, 419-cu palataya gəlirəm. Yenə də bu otağın qonağıyam. Artıq bura 25-ci dəfədir ki, gəlirəm. Ümidim var ki, sağalacam və sağalıram da...” sözlərini əlavə edib.

Xatırladaq ki, Əməkdar artist uzun müddətdir xərçəng xəstəliyindən əziyyət çəkir.