Qazax Rayon Mərkəzi Xəstəxanasından getmiş tənqidi yazıya əlavələr gəldi. Əvvəlcədən bildiririk ki, xəstəxana haqqında yazılan tənqidi məqaləyə çox keçmədi ki, adlarının çəkilməsini istəməyən səhiyyə işçiləri söylədiklərinin də əlavə edilməsini xahiş etdilər. Belə məlum oldu ki, cənab Prezident İlham Əliyev Qazaxdakı bu səhiyyə ocağının açılışı zamanı heç də görülən işlərdən razı qalmayıb. Açılış zamanı bir qrup səhiyyə işçiləri ilə görüşməməsi bununla əlaqələndirilir. Qazax Rayon Mərkəzi Xəstəxanasının baş həkimi Sevda Məmmədovanın xəstəxananın açılışı zamanı Prezidentin arxasınca getməsi və yanında dayanması, heç də o demək deyil ki, Sevda Məmmədova toxunulmaz şəxsə çevrilib.
Belə düşünmək bir sıra dayaz filirli insanların xəyalı kimi qiymətləndirilir. Bu bir qaydadır ki, açılış zamanı kimsə olmalıdır və Sevda Məmmədovanın açılışda olması təbii haldır. Səhiyyə işçiləri onu da yazmağı tövsiyyə edirlər ki, bizim haqqımızı tələb edən vaxt Sevda Məmmədovanın aqressiv, özündən razı danışığı onu göstərir ki, bu kadr yerində deyil. Birbaşa Prezident siyasətinin əleyhinədir. Sevda Məmmədova ölkə başçısına sadiq məmur olsaydı, cənab İlham Əliyevin dediklərini xatırlayardı. O, həmişə məmurların diqqətinə çatdırır ki, “Məmur hər bir vətəndaşın xidmətçisidir. Onlarla insani şəkildə davranmaq, humanistcəsinə yanaşmaq lazımdır”. Lakin, Sevda Məmmədovanın tabeçiliyində olan tibb bacılarını “əzməsi” düzgün qiymətləndirilmir. Daha sonra yazıda qeyd edildiyi kimi, Sevda Məmmədovanın adaşı, Qazax Səhiyyə İşçiləri Həmkarlar Komitəsinin sədri Sevda Həsənovanın heç də “az aşın duzu olmaması” bildirilir. Uzun illərdi həm baş tibb bacısı, həm də həmkarın sədri işləyən Sevda Həsənova adaşı ilə bir ailə kimidilər. Bu da korrupsiyanın başqa bir formasıdır. Bu qadın yüksək əməkhaqqı ilə kifayətlənməyərək, həmkarlar təşkilatına yığılan dövlət vəsaitini də cızmaqara protokollarla silib, dağıdır.Özlərinə yaxın tibb personalına yardımlar edir. İmkansızlar isə boynubükük olaraq qalmaqdadır. Sevda Məmmədova ilə Sevda Həsənova arasında olan münasibətlərin də görünməyən tərəflərinin olduğu da bildirilir.
P.S. Qeyd edək ki, Qazax Mərkəzi Xəstəxanasından verilən məlumata görə xəstəxana istifadəyə verilsə də burada nə telefon işləyir, nə də intenet. Bunun nə üçün olmadığını dəqiqləşdirmək üçün aidiyyəti yerlərlə əlaqə saxlamaq istəsək də, hələlik hec bir nəticə əlıdə edə bilmədik.Maraqlıdır, Dünyanı bürüyən (Kovid-19) pandemiyası dövründə Qazax Rayon Mərkəzi Xəstəxanasında niyə telefon işləmir, internet yoxdur? Qarşı tərəfin fikirlərini də dinləməyə hazırıq.
