Azərbaycan Respublikasının Gömrük Xidmətinin missiyası mövcud qanunvericiliyin tələblərinə uyğun olaraq, respublikamızın suverenliyini, iqtisadi və milli təhlükəsizliyini, habelə ölkəəhalisinin sağlamlığını qorumaqdan, beynəlxalq aləmdə mövcud olan qabaqcıl təcrübələrdən bəhrələnməklə xalqımızın sosial rifahının yüksəldilməsindən, beynəlxalq ticarətin asanlaşdırılmasından, eyni zamanda təhlükəsizliyin təmin olunmasından, məmur-vətəndaş təmasının minimuma endirilməsindən, gömrük ödənişlərinin toplanaraq dövlət büdcəsinə köçürülməsindən, elecə də gömrük sahəsində hüquqpozmalara və beynəlxalq terrorizmə qarşı mübarizə aparmaqdan ibarətdir.
Dövlət Gömrük Komitəsi gömrük xidməti general-leytenantı Aydın Əliyevin rəhbərliyi altında bu missiyanın öhdəsindən ləyaqətlə gəlir. Xidmətin fəaliyyəti təqdir olunan struktur vahidlərindən biri də gömrük xidməti general-mayoru Vəzir Həsənovun rəhbərlik etdiyi Sumqayıt Gömrük Baş İdarəsidir. Sumqayıt şəhəri, eləcə də Qobustan, Xızı və Abşeron rayonlarında ünsiyyətdə olduğumuz sahibkarlar apardıqları idxal-ixrac əməliyyatlarının gömrük rəsmiləşdirilməsilə əlaqədar Sumqayıt Gömrük Baş İdarəsində yaradılan şəraitdən razılıqlarını bildirib, yüklərin rəsmiləşdirilməsinin vaxtında və qanunauyğun şəkildə aparıldığını qeyd ediblər. Eyni zamanda, idxal-ixrac əməliyyatlarının həyata keçirilməsində gömrük rəsmiləşdirilməsi üzrə mütərəqqi metodların tətbiqinin, o cümlədən, bütün əməliyyatların elektron qaydada aparılmasının vaxt itkisinin aradan qaldırılmasına müsbət təsirini vurğulayıblar.
İdarədə idxal əməliyyatları üzrə gömrük prosedurlarının tətbiq olunmasında, gömrük dəyərinin və gömrük ödənişlərinin müəyyənləşdirilməsində, eləcə də gömrük rəsmiləşdirilməsi zamanı müddətlərin gözlənilməsində kənarlaşma hallarına yol verilməməsinə çalışılır, idxal-ixrac əməliyyatları çərçivəsində həyata keçirilən xidmətlərə və hüquqi hərəkətlərə görə bəyannaməçilərdən tutulan gömrük yığımlarına yalnız qanunvericiliklə müəyyən edilən halda əlavə dəyər vergisi tətbiq edilir.
Sumqayıt Gömrük Baş İdarəsində həmçinin gömrük rəsmiləşdirilməsinin daha səmərəli təşkili üçün sahibkarların təklifləri dinlənilir, həmin təkliflərin öz həllini tapması və həyata keçirilməsi üçün müvafiq tədbirlər görülür. Eləcə də sahibkarlara idxal etdikləri yüklərin rəsmiləşdirilməsi üçün gömrük ödənişlərinin ödənilməsində möhlət verilməsi və bu kimi digər məsələlər üzrə müvafiq qanunvericiliyin tələblərinə dair izahatlar verilir.
Sumqayıt Gömrük Baş İdarəsində həmçinin gömrük rəsmiləşdirilməsinin daha səmərəli təşkili üçün sahibkarların təklifləri dinlənilir, həmin təkliflərin öz həllini tapması və həyata keçirilməsi üçün müvafiq tədbirlər görülür. Eləcə də sahibkarlara idxal etdikləri yüklərin rəsmiləşdirilməsi üçün gömrük ödənişlərinin ödənilməsində möhlət verilməsi və bu kimi digər məsələlər üzrə müvafiq qanunvericiliyin tələblərinə dair izahatlar verilir.
Zaur Vəliyev
